睇一睇, 原來我已經連續三年聖誕都係同屋企人一齊睇STAR WARS, STAR WARS 已經變咗我哋的CHRISTMAS MOVIE?
下年的HAN SOLO 外傳, 我相信都一樣係XMAS 時上映, 我反而幾期待哩一套
(今季那一個金色DICE仔的裝飾物我估係咪為咗外傳鋪路GA?)
STAR WARS 今次已到第八集, 故事在帝國與叛軍的角力中好似已到達尾聲, 叛軍已經就快被逼入死角, 而反敗為勝的機會就只有一點點的曙光, 以找返上集好似隱咗形的LUKE SKYWALKER 就係今集的任務
不過睇STAR WARS, 其實我又唔係好明白, JEDI 固然好勁, 亦可以好似呂布咁以一敵百, 但對於帝國咁強大的火力, 相對起叛軍這麼小的兵力, 究竟EMPIRE 仲驚佢哋D咩呢? 根本如果唔係意氣之事, 根本就可以一舉消滅哂佢哋LA, 仲要俾佢哋走得甩, 其實都幾唔合理下
但今集其實都幾精彩的, 而且所有舊人都可以話已經用唔同的方式退場, 下一集(如果真係最終章的話) , 真係留返俾年青一代的世界了
就好似BEN SOLO 咁講, 佢覺得應該唔理EMPIRE 定REISITANCE, 應該舊一代的東西一舉消滅哂就最好, 之後同REY一齊共建一個新的國家~ 其實聽落都唔錯, EMPIRE 固然係殘酷不仁, 得不到國民的愛戴, 而叛軍某一程度上亦只是在這個患難時期的清泉, 其實都唔可以話係一種政權~ 而最大問題係今集黎講, 好似都冇咩人去支持佢哋, 如果D人民都軟弱到咁樣, 仲反咩鬼呀, 咪由得佢LOR~
但BEN SOLO 話建設新的政權個IDEA 唔錯, 舊的東西我覺得應該拋棄, 但如果BEN SOLO 一樣用返一種極權統治的話, 咪又係換湯不換藥, 同之前的帝國有咩分別呢? 所以REY 唔去接受佢的邀請都係好正常, 因為真係睇唔出會有咩嘢改變
不過睇咗兩集STAR WARS, 我發現咗一樣嘢, D 人好多時鍾意問一些你會揀A 或者B 的問題, D 人最鍾意問, 俾你揀一樣, 你會揀STAR TREK 定STAR WARS~ 睇到今集, 我都係覺得我會鍾意STAR TREK 多D, 所以我好期待佢嘅第四集GA~